Hönnun frá FÓLK Reykjavík var valin til að prýða suðurstofu Bessastaða næstu þrjú árin. Um er að ræða samstarfsverkefni Samtaka iðnaðarins, Miðstöðvar hönnunar og arkitektúrs og Forseta Íslands um að kynna íslenska hönnun.
FÓLK Reykjavík og Gunnar Magnússon, sem hlaut heiðursverðlaun Hönnunarverðlauna Íslands, hafa undirritað samning um endurútgáfu og einkarétt á útgáfu hönnunar Gunnars og kynningar og markaðssetningar á hönnunarverkum hans og arfleifð næstu árin. FÓLK mun þróa vörur Gunnars til endurútgáfu í samstarfi við Gunnar og fjölskyldu með sjálfbærni og hringrás hráefna að leiðarljósi.
